ليـ,,ـلة العمر

انا عروسة جديدة ومحتاجه احد فاهم يرد عليا
ليلة الد*له مانزلتش دم فبصيت لعنيه لقيت فيها شك واتنرفز قالي مفيش حاجه عايزة تقوليلي عليها
قولتله وديني عند الدكتور قالي ليه قولتله كده وديني عند الدكتور حالا من غيظه قعد يبرطم بكلام كان حازز في نفسيتي اوي لاني والله العظيم مافي حاجه اخاف منها

فروحنا لعيادات كتير لان الدكتورة ترفض تكشف عليا وفضلنا نلف لحد المغرب لقينا بالصدفه عيادة دكتورة محترمة هدتني وخصوصا كنت داخله باين عليا متفحمه عياط

المهم كشفت قالتلي الغش*اء زي ماهو قولتلها بجد يعني مثلا ماتفت*ش و مانزلش دم قالتلي لا لسه بخلقة ربنا انا شايفاه الغشاء بتاعك مطاطي و قعدت تفهمني ان ده طبيعي وده نوع ربنا خالقه زيه زي اي نوع تاني والكلام كان بينزل على قلبي بيهديه و بينصرني و بقيت ابص لجوزي وانا مناخيري للسما وروحت مبسوطة قولتله بس انت جرحتني اوي قالي اي راجل مكاني هيعمل كده انا اعرف واحد طرد مراته وهى بقميص النوم ماستنهاش تلبس بس انا دورت معاكي ع دكاترة حسيت نفسي صعبت عليا يعني كان ممكن ترميني في الشارع! وكمان لما كنت بعيط واحنا في الشارع لما ماكناش لاقيين دكاترة قالي اوعي لتفتكري ان الشويتين اللي بتعمليهم هيخيلوا عليا انا مش مصدقك وانتي كدابه و مهما تعملي الكلام ده مش هيخش عليا بجنيه
انا بصيتله في عينيه واتخرست حسيت ان في حاجه جوايا بتنكسر ماكنتش عارفه اتكلم فضلت متنحه فترة طويلة

والليله اللي بحلم بيها عمري كله كانت اسوا ليله في حياتي المشكلة ان احنا ادينا عدى اسبوع وكل مره بيعاش*رني بحس بنفس الاحساس في عينيه مستني ان الدم ينزل ومن شوية بيقولي بكره هنروح مستشفى كذا اللي مالحقناش نروحها المره اللي فاتت انا كان ممكن اسامحه عن اي كلمه قالها في اول يوم بس مش قادرة اسامحه انه فتح الموضوع تاني قالي عايز اسمع اكتر من راي مش شك فيكي لاصل اي وبلابلابلا قولتله انا تعمدت اسال الدكتورة كذا مره انا عندي مرض ولا لا علشان تأكد عليا انها شايفه الغشاء وانت كنت قاعد و شايف و سامع قالي ايوااا و سمعتهاخلاص لو مضايقه من حاجه مانروحش انا صعبت عليا نفسي مش عايزة الي بنيناه سوا يتهد مش عارفه اسمع كلامه و اعرض نفسي للاحراج اني اروح لواحده طول بعرض اقولها اعمليلي كشف عذ/رية عشن جوزي شاكك فيا واعرض نفسي لنظراتها اللي بتمنى الارض تنشق وتبلعني و ياسلام لو في اكتر من واحده في الاوضه وتبادل نظرات صعبانيات وفي الاخر يقولولي لا مش هنقدر الكشوفات دي ممنوعه انا نفسيا تعبت و تفكيري مابقاش غير ع الحاجه دي قوليلي اي المفروض اعمله💔